DAGUPAN CITY– Inatey so sakey ya 22 anyos ya estudyante kasumpalan ya binmangga so niluganan ton motorsiklo ed akatundan truck diad national highway na barangay Anonas, ciudad na Urdaneta.
Kinabat so biktima ya si Jerico Bryan Tagbas, tubon Laoac, Pangasinan.
Aderal so motorsiklo lapud kasil na impact na inpakabangga tonya ed truck.
--Ads--
Maples so batik na luluganan na biktima ya papanisiaan ya akainom na alak.
Unliko la komon so truck ya nankarga na baka diad livestock market bangbalet tinmunda ta walay kaabetan ton luluganan.
Onong ed pulisya, akasilew ni so signal light na truck piyan walay giya to ed say intunda tonya tan unliko nen agawa so aksidente.
