DAGUPAN CITY– Agamuran na luyag na Pangasinan so 2017 Seal of Good Local Governance ya inter na Department of Interior and Local Government (DILG) bilang pamirbir ed mauksoy ya panag-oley diad probinsya.
Diad ekslusibon impituyaw na Bombo Radyo Dagupan ed kinen Governor Amado I. Espino, III, inyalay to so abitlan award ed amin ya umbaley diad probinsya, diad saray kapara ton mansisirbid baley tan amin ya walay parte tan saray ahensyan tinmulong ed mauksoy ya panag-oley.
Nanpaabot met na pisalsalamat so gobernador ed amin ya umbaley lapud patuloy ya suporta tan kumpiyansa dad pakayari tonyan nagawaan so pangipaatagey na klase panagbilay diad Pangasinan.
Kaleganan tonya, iilaluan nen Gov. Espino ya magmaliw ya inspirasyon na publiko so agamuran na probinsya ya SGLG.
