DAGUPAN CITY– Inireklamo so duwaran pulis lapud inpandampag ed sakey ya datin miyembro na Philippine Marines diad baley na Labrador, Pangasinan.
Kinabat so biktima ya si Alex Martin Baria, 52-anyos tan datin miyembro na Philippine Marines.
Onong ed impormasyon, manpacheck-up komon diad Community hospital so biktima kasumpalan ya makaliknay pansakit na ulo bangbalet saya so biglan sinabat na duwaran pupulis ya sikara di PO1 Rey Tuankin tan PInsp. Mauriel Vincent Serron.
Say istorya na biktima, dinampag eya tan ginayugoy na duwaran pupulis.
Bangbalet nandepensa so duwaran pupulis ed say akusasyon nen Baria.
Inaresto da kono si Baria makasengeg ed pantataktakot tan panaayew ed saray pupulis.
Agni angiter na palapag so Pangasinan Police Provincial Office ed say reklamo anggad agdani nanaaawat so pormal ya reklamo.
