DAGUPAN CITY– Diad kulungan so nansumpalan na duwaran nanpakabat ya miyembro na media kasumpalan ya naaresto iraya diad ginawan Entrapment Operation na saray otoridad diad diad Barangay Dulag, Lingayen, Pangasinan.
Kinabat iray suspek ya sikara di Gil Ferrer, 61 anyos, media Columnist tan residente na Kaypian, San Jose Del Monte Bulacan, tan Yves Fortin, 30 anyos, Media Publisher tan residente na Lot 47 Block 2, Phase 2 Celina Homes I, Brgy 175 Camarin diad ciudad na Caloocan.
Onong ed impormasyon, uunla irayan dua diad saray peryaan tan manpapakabat ya media pian makapiala na kuwarta.
Akumpiska ed saray suspek so marked money ya mankantidad na duwanliboy pesos, radyo, sakey ya camera, animeran cellphones, sakey ya wig, limaran ID ya nanlapud pantratrabahuan dan kumpanya, sakey ya Video cam, sakey ya bag ya nankarga na notebook tan sakey ya motorsiklo.
Diad kaplesan, saray suspek so walad lima na Lingayen Police Station tan akaarap diad kason Robbery Extortion.
