Mga Kabombo! Napakalaki ng kalawakan at nagataglay ito ng mga pambihirang bagay.
Paano na lamang kung ang isa sa mga pambihirang bagay na iyon ay makita mismo ng iyong mga mata?
Matapos kasi ang higit isang taon ng pakikipag-ugnayan sa isang German na astronomo, matagumpay na naibalik ng isang grupo ng mga Pilipinong space enthusiasts ang dalawang meteorite mula sa Germany, na plano nilang idonate sa National Museum para sa pampublikong pagpapakita at pananaliksik.
Noong Sabado, ipinakita ng Philippine Meteorite Repatriation Team ang mga specimen na Paitan at Pampanga, dalawang sa pitong lokal na meteorite na opisyal na kinikilala ng The Meteoritical Society.
Ang mga meteorite ay nakuha mula kay Dieter Heinlein, isang German meteoriticist, na nagkolekta ng mga meteorite at tektites mula pa noong 1978.
Ayon kay Mar Christian Cruz, isang miyembro ng team at researcher sa National Museum, matagal nilang inakit si Heinlein upang ibalik ang mga meteorite, na nagsimula noong Mayo 2023.
Sa kabila ng mga paunang pagtanggi ni Heinlein, ibinenta niya ang mga specimen sa isang diskwentong presyo noong Agosto ng nakaraang taon.
Hindi ibinunyag ni Cruz ang eksaktong halaga ng binayaran ng kanilang team, ngunit bawat gramo ng meteorite ay tinatayang nagkakahalaga ng P12,000 batay sa market value.
Upang maiwasan ang pinsala sa mga specimen, isang Swiss collector ang pinakiusapan na kunin ang meteorite mula sa bahay ni Heinlein at ipadala ito sa Estados Unidos bago ipalipad pabalik sa Pilipinas noong Disyembre 2024.
Ang mga meteorite na ito ay may malaking kahalagahan sa kasaysayan ng agham, kung saan ang Pampanga ay unang nahulog noong Abril 4, 1859, at ang Paitan ay nahulog noong Mayo 1910 sa panahon ng pagbisita ng Halley’s Comet.
