DAGUPAN CITY– Dead on arrival diad ospital so 2 menor de-edad ya lalaki kasumpalan dan nalener ed dayat diad Sitio Abagatanen, Bgy. Macaboboni ed baley na Agno, Pangasinan.
Kinabat iray biktima ya sikara di John Paul Corilla, 14-anyos, residente na Caguioa, Antipolo City tan Karl Martin Valdez, samploy taon tan tan manaayam diad Brgy. Arwas, baley na Bani.
Diad eksklusibon impituyaw na Bombo Radyo Dagupan ed kinen PSI Franco Catalan, hepe na Agno PNP, impalapag ton antes ni agawa so insidente uunaan da lan babagaan iray uunlan manames diad beach ya maksil so daluyon.
Bangbalet, tinmuloy niran sansiam linmangoy diad atapew ya parte na beach subalit bangbalet agga binmayag aguyor ira na maksil ya daluyon.
Aanggapoy anta met na saray kakaiba daray biktima ya saraya so nababalang la anggad nalmo labat iran manleletaw diad dayat.
Inawit ira diad sangkaasinggeran ya patambalan balet saray biktima so indeklaran dead on arrival na saray attending physician da.
Lapud say inkagawa, mas ineletan na saray barangay officials so panbabaga ed saray beach goers ya manalwar ed panames ta walay gail warning so Pag-asa.
