Dalawa na naman sa mga frontliners ang nag-positive sa swab test sa bayan ng Agno, pangasinan.
Isang ambulance driver na 39 anyos na naninirahan sa Barangay Poblacion East at isang Agno Rescue Team na naninirahan naman sa Barangay Bangan Oda.
Pareho silang Asymptomatic, ibig sabihin walang nakikita at nararamdamang mga sintomas.
Dahil dito, pansamantalang isinailalim sa Extreme Enhanced Community Quarantine (EECQ) ang Bayan ng Agno simula 12:00AM kaninang madaling araw hanggang 12:00AM ng madaling araw ng June 13, 2020.
Ang safety measure na ito ay para sa malawakang Contact Tracing.
Sa kabuoan ay apat (4) na ang kompirmadong COVID-19 positive sa nasabing bayan at lahat sila ay frontliners.
Pinapayuhan ng Municipal Inter-Agency Task Force ang lahat na mag-ingat at limitahan ang paglabas.
Kung lalabas para bumili ng mga essential goods, ugaliing mag-suot ng face mask, sumunod sa social distancing, maghugas ng kamay gamit ng sabon o alcohol.
