DAGUPAN CITY– Kinumpirma na liderato na Region 1 Medical Center (R1MC) diad ciudd na Dagupan, ya empleyado da so duwaran lalakin dinukot sa nen Marso 12.
Onong ed kinen R1MC Director Roland Mejia, parehon regular ya empleyado na ospital ira di Rizaldy Decano tan John Mark Payaoan, parehon walad suston edad tan residente na Lucao diad ciudad.
Say duwara so Administrative aide tan nursing attendant diad patambalan.
Akabatan ya based inisyal ya imbestigasyon na saray otoridad, lugan na sakey ya motorsiklo so duwara bangbalet sinabat ira na kolor gold ya starex no iner linmeksab so animeran lalaki tan sikara so tinututukan na paltog tan puwersaan ya pinalugan diad loob na van.
Sakey simba lay agawan insidente so agni akaawat na tawag o text so pamilya danya.
Ipasiguro met nen Dr. Mejia, ya tututukan da so kaso na inkaandi na saray empleyado da tan miuugnayan met lara ed saray pupulis.
