DAGUPAN CITY– Nanpasalamat so sakey ya negosyante diad sakey ya janitor kasumpalan ton ipawil so atilak tonyan bag ya mankakarga na ngalngalin P1 milyon ya cash diad sakey ya kuwarto ed sakey ya pribadon ospital diad ciudad na Dagupan.
Aga nandurway isip so 38 anyos ya janitor ya si Reynaldo Padilla ya ipawil so abitlan kantidad diad biek na say irap na bilay.
Legan ya manlilinis eya diad sakey ya kuwarto ed abitlan patambalan, anengneng to diad cabinet so sakey ya backpack ya napno na kuwarta.
Naipawil met la na ospital so bag ed say makangawa ya sakey ya negosyante.
Agga nanpakabat so makanggawa na backpack, bangbalet inkuwanton pasweldo ed saray totoo da so abitlan kuwarta.
Imbaga nen Padilla ya agto nan interesan so baleg ya kuwarta ta say importante nanlapud marangal ya anapan so nepeg ya ipakan to ed say pamilya to.
Bilang reward, initdan na abitlan negosyante si Padilla na P10,000 .
