13 too, inatey, masolok 100 naaresto ed One Big Time drug operation

DAGUPAN CITY– Inatey so 13 totoo ya iinapen ya sangkot ed illegal ya droga legan ya naaresto so masolok ya 100 ya arum nira diad ginawan 24-oras ya One Time Big Time drug operation diad luyag na Bulacan.

Diad say nalan impormasyon na Bombo Radyo Dagupan kinabat iray suspek ya sikara di Limwell Verna­les; France Cortez; Mario ­Alegre alyas “Bongbong”; Emmanuel Manicad alyas “Boy Manicad”; tan saray alyas na “Joey”, “Joel”, “Pakyaw”, “Joy-One”, “Ode”, “Elmer”, “Pakdon”, “Aye” tan sakey ya ag ni kabat.

Imbes ya unsuko , linmaban iray suspek ya nansumpal ed shootout ya sengegan na impatey da.

Akumpiska ed operasyon so 305 piraso ya plastic sachet na shabu ya manbelat na 101,2803 gramo, 59 piraso na plastic sachet na marijuana ya manbelat na 670.745 gramo, aray drug paraphernalia tan 18 ya armas tan nanduruman bala.