DAGUPAN CITY- Unaabot ed 10 pamilyan Pilipino so manaayam diad apoolan ya Grenfell Tower diad British Capital ed West London.
Impalapag iya nen Renato De chiara, sakey ya Briton diad impituyaw diad sikato na Bombo Radyo Dagupan ed programan Zona libre.
Onong sikato, kaklase tan kaaro na anak tonya so anak na sakey ed saray pamilyan Pilipino ya tubod probinsya na Tarlac ya manaayam diad residential flat.
Maong labat ta akakligtas diad agawan pool so abitlan pamilya.
Inlarawan diad Bombo Radyo nen De Chiara, ya atagey so abitlan building ya walaan na 120 apartments.
Amayamay diman so manaayam ya Filipino immigrants, Italian, Banglaldesh, Spanish, tan arum nin international community.
Akabatan ya kaplesan ya nanaugep laray totoo nen agawa so pool.
Dakel so atrap diad loob ta apoolan so saksakey ya elevator tan arum nin takayan.
Diad kaplesan, unaabot la ed 12 katao so inatey kaleganan ya masolok 60 katao so imbatik diad patambalan.
