DAGUPAN CITY– Inatey la nen anengneng so sakey ya samploran taon ya ogaw ya bii kasumpalan ya nalner ed ilog diad ciudad na San Carlos.
Kinabat so biktima ya si Mary Joy Dela Cruz, 10 anyos, Grade 5 pupil, tan residente na Sitio Tulong Brgy. Pagal ed abitlan ciudad.
Onong ed say inisyal ya impormasyon ya manlalapud saray otoridad, kaiba na biktima so kambal tonyan si Mary Grace Dela Cruz tan kapinsan ton si Gerald Dela Cruz, waloran taon nen mantagar iran manames diad ilog asingger diad abong da bangbalet say biktima so akurinyas tan agmetla arumog.
--Ads--
Kasumpalan na sakey oras so nalmo so biktima tan tampol ya inawit diad ospitalk balety saya so indeklaran dead on arrival.
